Ծրագրի մասին

        “Էկոտուրիզմը որպես սոցիալ-տնտեսական խթան պահպանվող տարածքներին հարակից համայքներում” ծրագիրն իրականացվում է ՀՀ Շրջակա միջավայրի նախարարության ֆինանսավորմամբ, “Պահպանվող Տարածքների Աջակցման Ծրագիր-Հայաստան” ծրագրի փոքր դրամաշնորհային ծրագրի շրջանակներում: Ծրագրի նպատակն է նպաստել տուրիզմի զարգացմանը պահպանվող տարածքներին հարակից համայնքներում և ստեղծել Շիկահողի արգելոցն ու Արևիկ ազգային պարկն իրար կապող էկոզբոսաշրջային արահետ: 

        Ծրագրի շրջանակներում պատրաստվեցին տեղական ուղեկցորդներ, Շիկահող գյուղում հիմնվեց կամավորների կենտրոն, հետազոտվեց, քարտեզագրվեց և նշագրվեց 97,2 կմ երկարությամբ էկոզբոսաշրջային արահետ, ստեղծվեց www.visitkapan.am ինտերնետային կայքը, որտեղ տեղադրված է Կապանի տարածաշրջանի զբոսաշրջային ծառայությունների և ապրանքների մասին տեղեկատվություն, ինպես նաև տեղեկատվություն զբոսաշրջիկին հետաքրքրող պատմամշակութային և բնության հուշարձանների, լեգենդների, ավանդությունների, տեղական ավանդական ճաշատեսակների վերբերյալ: