Հայտարարություն
Հայտարարություն
ԱՐԿ բնապահպանական հասարակական կազմակերպությունը Պահպանվող Տարածքների Աջակցման Ծրագիր-Հայաստան (ՊՏԱԾ-Հ) Տեղական ՀԿ-ների համար Փոքր Դրամաշնորհային Բաղադրիչ` «Տաթև - Խուստուփ կայուն զարգացման արահետ» ծրագրի շրջանակներում հայտարարում է Վահանավանքի հանգստյան գոտուն կից կիրճում զբոսայգի ստեղծելու աշխատանքների մրցույթ։
Զբոսայգին ներառելու է հետևյալը․
- 1000մ ընդհանուր երկարությամբ ճեմուղիների ցանց
- 10 հատ նստարան
- 20հատ փոքր գեղարվեստական կոմպոզիցիա, պատրաստված բնական հումքից՝ հիմնականում քարից
- 35 հատ վահանակ՝ Կապան համայնքի ֆլորայի և ֆաունայի պատկերներով
- 2 կամրջակ կառուցված՝ կիրճում հոսող գետակի վրայով։
Հայտեր կարող են ներկայացնել անհատ ձեռնարկատերերը, ընկերությունները և հասարակական կազմակերպությունները։
Հայտերում պետք է ընդգրկված լինի հետևյալը․
- Զբոսայգու էսքիզը /ցանակալի է ներկայացնել թվային տարբերակով/
- Գեղարվեստական կամպոզիցիաների առնվազն 2 էսքիզ
- Վահանակի էսքիզ /պաստառի չափսը՝ 90x 90սմ /
- Նստարանի էսքիզ
- Կամրջակի էսքիզ /կամրջակի թռիչքը՝ առավելագույնը 6մ/։
Ներկայացված էսքիզները պետք է լինեն հեշտ իրականացնելի և ներդաշնակ շրջապատող բնությանը։
Մրցույթը հաղթելու հիմնական չափանիշ է դիտարկվելու ներկայացված էսքիզների գեղագիտական արժեքը։
Աշխատանքներն իրականացնելու համար տրամադրվելու են հետևյալ գումարները․
- Ճեմուղիների ստեղծման հեղինակային վերահսկում -100000դրամ /ճեմուղիների ստեղծման աշխատանքներն իրականացնելու են ԱՐԿ-ի կողմից վարձված արահետաշինարարները/
- 20հատ գեղարվեստական կոմպոզիցիայի ստեղծում - 500000դրամ
- 35հատ վահանակի ստեղծում և տեղադրում 35 x 40000- 1400000դրամ / ֆլորայի և ֆաունայի պաստառների դիզայնը տրամադրվելու է ԱՐԿ ՀԿ-ի կողմից/։
- Նստարանների պատրաստւմ և տեղադրում-10 x55000- 550000դրամ
- Երկու կամրջակների պատրաստում և տեղադրում 2 x160000-320000դրամ
Հայտերը պետք է ներկայացնել ԱՐԿ բնապահպանական հասարարակական կազմակերպության գրասենյակ՝ Կապան Չարենցի 4, գրասենյակ 4/2 հասցեով, մինչև 15․01․2020թվականի ժամը 18․00-ն։
